江若琳收錶暗示嫁得過
歌手江若琳昨日穿上性感tube dress出席RADO旗艦店開幕，還罕有地露出事業線！貴為剪綵嘉賓的她更即場獲品牌全球總裁送贈名錶，而活動現場又突然有一名男士舉起英國國旗贈興，非常熱鬧！
被指少有性感？江若琳笑言是尊重場合，所以才穿得隆重點。問是否因酬勞高而要穿得性感一些？她則表示與品牌講心不講金，心意最重要。至於會否希望男士送錶？她坦言希望：「我覺得另一半送錶會浪漫過送戒指，每分每秒都記錄低。（送戒指唔係開心啲咩？）我會整唔見。（如果有男仔送錶表白，你會飯應？）我會睇吓同對方有冇發展可能先會收，甚至係結婚對象我先肯收。（咁咪浪費好多機會？）等老公送，係啱嗰個先收，唔鍾意欠人。」
