吳雨霏 周柏豪個唱齊加場

柏豪昨日與周秀娜出席now TV活動，當周秀娜將香水噴落手讓觀眾聞，並猜出屬於哪支星座香水時，柏豪大講有味笑話：「處女係咩味？」對於個唱加場，柏豪笑言希望請到荷里活影星畢彼特做嘉賓。因擔心票房搞到徹夜難眠的Kary表示鬆口氣，她說：「一路留意住票房，上次開一場，今次已經有進步，今晚瞓得着喇。（柏豪都加場？）知呀，戥佢開心，佢一定要嚟睇我個騷。」