金剛感恩：冇志偉冇我
出門靠朋友，金剛隻身從台灣來港靠甚麼？朋友囉！朋友多到手指腳趾數唔晒的他，更有這個圈最吃得開的曾志偉睇住，對於這位亦師亦友，他說：「冇佢我冇今日！」
黑完就有運行我信o架，唔計冇飯開嗰段日子，我都算係益（一）個幸運人。講到口臭，除咗靚仔，我茆（冇）嘢多，朋友益（一）定係最多。要數我圈中好友，曾志偉、洪天明、錢嘉樂、湯盈盈、張嘉兒……好多喎，吖，仲有豹哥（單立文）同豹嫂（胡蓓蔚）。樂小姐（樂易玲）呢，唔敢高攀做朋友呀，做我大姐姐就得。
處男做主角
講起志偉哥，就好似我伯樂，練（令）我呢隻千里馬得到巧巧（好好）機會大展拳腳。講真，佢冇必要對我巧（好），佢會搵我做司儀，埋《獎門人》班都預埋我，嘩！茆（冇）佢就冇今日嘅我囉，我同佢亦師亦友，最近仲搵我做電影《神獸巴打》（暫名）男主着（角），處男做主角，唔係志偉哥，邊個畀機會我呀？
開會覺覺豬
同志偉哥相處真係好舒服，益（一）個大明星原來都係一個貪瞓嘅小朋友，佢係老闆，但開會時從來唔會逼我哋，咁佢開會做咩呢？瞓覺囉，佢每次入嚟就話：「今日冇乜嘢，你哋自己度啦！」佢跟住就瞓覺覺豬啦，好勁喎，我哋點嘈佢都唔醒，度晒橋佢就會自然醒，佢就會話：「Good Idea，散會啦！」我知o架，其實我哋開會講過乜，佢都生（心）裏有數。
樂小姐呢，係佢帶我過嚟做過江龍囉，大家平時少啲接觸，但每次見到都好似家姐咁話：「靚仔，近排點呀，加油畀心機啦！」雖然只係一聲加油，已經令我感到巧（好）窩心！（完）
口述：金剛
筆錄：專案組