葉蒨文見啟剛即喊
朱玲玲好友葉蒨文（Sally）與老公林子祥等圈中人昨日盛裝出席霍啟剛和郭晶晶的婚禮，眾人約早上11時先後到達霍家大宅，於場內親自見證一對新人註冊結婚及午膳，約下午2時15分眾賓客陸續離場，林子祥和葉蒨文亦於兩點半坐車離開。事後致電Sally，她直言看到一對新人結婚感動得眼濕濕，又大讚一對新人非常合襯︰「見到佢哋好開心、好幸福而且好靚，睇到佢哋結婚好感動，我特別見到啟剛忍唔住標眼淚，因為由細睇到佢大，真係好開心。」
場內人人happy
Sally又指榮升奶奶的朱玲玲非常開心，全程都滿面笑容︰「朱玲玲做奶奶當然開心，全程笑晒，我睇唔到佢有冇喊，總之everybody都好happy、happy、happy。」問送了甚麼結婚禮物給二人？她則坦言未有時間準備︰「因為自己好忙，仲未準備到。」
