JM無綠見 短訊慰問
Janice Man（JM，文詠珊）與「前老闆娘」樂基兒（Gaile）一直感情要好，昨日JM出席中環ifc的Chloe活動，指見Gaile多過老闆黎明（Leon），今次Gaile短暫返港將無緣見面，只得靠短訊送上慰問。
JM昨日聯同江若琳、徐靖雯、胥力文、張曦雯、貝安琪和李依琳等出席時裝品牌Chloe的新店開幕酒會。提到Gaile已回港數天可有與JM見面？JM表示：「冇見過面，知佢行程都好趕，好快又要走，咁我都有SMS問候佢，知佢OK嘅！（知唔知Gaile會返美國定峇里？）我冇問，等佢下次冇咁忙先見啦！」過去與Gaile可有一齊工作？JM謂：「其實工作上我接觸Gaile係多啲，反而Leon要By Project或者電影先可以合作。」
維護男友咪叫肥仔
有傳Gaile另覓經理人，JM可贊成既然分手不應再同用一間公司？JM則謂：「咁大個人佢哋識處理啦，工作上安排得好好，唔擔心會出現問題，做咁耐大家有默契，唔會因為咁而離開。」另外，12月生日的JM，問到肥仔男友李冠峰可會為她開個難忘派對？JM即笑言：「唔好叫人肥仔啦，你哋叫得仲親暱過我。（你叫佢Baby？）我係直呼佢全名或者李生，佢已經努力減緊，遲啲會有戰績睇到。」
花10萬買沙灘滑浪
另邊廂，Gaile昨日繼續出動，於早上十一時半從元朗葡萄園寓所坐七人車離開，直駛到觀塘黎明公司樓下等候，一名女職員遞上信件給Gaile助手後，隨即到柴灣工業城工作，但直至晚上仍未見離開。而Gaile在電台錄音訪問中透露與友人以10萬港元買了峇里附近的一個沙灘，但只佔沙灘其中一部分，面積約籃球場般大，是買來玩滑浪，她強調：「只係10萬，唔好又話幾千萬呀！」而Gaile並稱這次離港後，準備孭背囊到不同沙灘滑浪，有朋友更提議她去南非玩。
文：音樂組