杏兒單身牛一 壽包陪飛
藝人胡杏兒、陳法拉、吳卓羲、羅仲謙、吳鎮宇、張智霖前晚浩浩蕩蕩出發英國，為電視劇《衝上雲霄II》拍攝外景，當晚更是杏兒回復單身後首個牛一，獲粉絲送贈特大壽包！問到有否收到追求者的禮物？杏兒說：「冇追求者呀！不過有裝修師傅趕起咗新屋畀我！」另問及舊愛黃宗澤有否祝她生日快樂時，杏兒即面露難色謂：「唔講呢啲啦！大家唔會想知！」她又指現非常享受單身生活，不渴望拍拖。
吳卓羲拒戀老外
不約而同全黑出現的吳卓羲和羅仲謙就遭遇大不同，問到會否希望在外地有艷遇，吳卓羲搞鬼笑言：「我唔食西洋菜o架！（華人？）隨緣啦！」而謙謙就甜蜜自爆女友楊怡有致電他，他說：「佢祝我一路順風同工作順利！」擺明贈興！
而有指與張智霖會有激烈情慾戲的法拉，對此表示：「電視尺度有限，唔會好激！（同男友備案？）唔使！又唔係拍《色，戒》，我handle到！」
文：影視組