李蕙敏傾女人經欲罷不能

歌手李蕙敏早前公開表示和老外男友拍拖將近三年，感情狀況穩定，並直言如果結婚會公開。日前李蕙敏撇低男友，相約數名女性朋友於中環摸酒杯底傾女人心事，傾到午夜12時始盡興離開夜店，結伴步行去乘車。只見李蕙敏邊行邊動作多多，繼續傾到唔願走，數人又企在路邊傾多陣，眼見朋友開始頻頻打呵欠，李蕙敏才捨得上車，打道回府搵男朋友再傾。