金剛：父母要我食自己
我們對於金剛認識不多，原名李信樵的他原來有過一段輕狂歲月，秘密一籮籮。他曾有書唔讀晚晚蒲天光，不但母親任他自生自滅，連老竇亦對他愛理不理。恨錯難返，如今金剛知錯了，怎補償？買屋贈雙親比較實際。
人人都知我叫金剛，但唔係個個都知道我原名叫李信樵。金剛呢個名係我做髮型屋住（助）手時，有模特兒公司嘅客幫我起嘅，佢話都（兜）風耳似大猩猩金剛喎，咁就一路叫到依家喇！好多人對我身世一知半解，其實呢，我同一般人益（一）樣有阿爸阿媽囉，仲有一個Mei Mei（妹妹）。我個Mei好令（靚）o架喎，令（靚）過陳妍絲（希）囉，好彩唔似我。不過呢，我細個同屋企人關係真係好一般，試過去到益（一）個惡劣地步。
拎書本 睡魔便call
阿媽從來都係一個望子成龍、望女成鳳嘅人，嗰邊嘅親戚唔係讀台大，就係讀曾功（成功）大學，細細個就叫我畀心機讀書，唉，我見到啲字都經（驚），揸住本書就會瞓着，唔好話讀乜大啦，睇書都搞到我頭都大，咪一日掛住玩囉，阿媽見我呢副德性孺子不可教，就慢慢放棄我，專心栽皮（培）個Mei（妹），之後我仲搬出去住添。自此之後，阿媽就由得我自生自滅，做乜都唔理我。老竇呢，佢都係愛理不理囉，佢話我出嚟做嘢，一個仙都唔會畀我喎！至於阿Mei（妹）呢，大家性格都唔啱，佢有佢讀書，我有我做運輸，向左走向右走啦，話不投機半句多！
買大屋 孝敬兩老
諗番轉頭，其實幾遺憾，我嘅青少年時代同屋企人關係一團糟。大大吓成熟了，就知道雙親益（一）直為我好。為彌補以前失去嘅親情，喺台灣已經買咗間大屋，等兩老可以住得舒舒服服，益(一)返到台灣我就巧（好）乖仔呀，日日陪住佢哋，最起碼可以做到做仔嘅本分囉！
口述：金剛
筆錄：專案組