謝安琪呻老公打波傷身
謝安琪前晚為支持老公張繼聰打慈善籃球賽，特意現身撐場，問她可有「愛的鼓勵」？她甜笑道：「以佢咁嘅年紀，我仲畀佢打波而冇『哦』佢，已經係鼓勵！」她又大呻老公打波太「搏」，曾試過打波受傷要為他敷冰。她以一副冧樣稱老公日前秘密接機：「我喺美國返港，佢玩surprise嚟接我機，雖然好感人，但係浪費咗架保母車！」
張繼聰則澄清沒有向藝人宣揚「外國人教」：「只係純粹信念，唔係建立宗教教派，我只向朋友宣揚手機！」而他的隊友方力申全晚淪為「大後備」，他尷尬說：「我嚟睇波，機會留番畀啲後生！」最後他們率領的明星隊險勝大專隊，順利殺入四強。