傅明憲見證重要時刻

傅明憲的男友莊家彬作為新郎哥霍啟剛的兄弟團成員，其身影昨日出現在霍家大宅，為好兄弟今日的婚禮幫忙打點，莊家彬的女友傅明憲昨日接受記者訪問時說：「聽日我大概11點會去觀禮，觀完禮之後會留低一齊食飯。其實佢哋淨係請咗好少人，我都好開心可以見證佢哋呢個咁重要嘅時刻，祝佢哋白頭到老！」

問傅明憲會否去南沙的婚禮？她說：「南沙同香港嘅婚禮我都會去。（準備咗咩結婚禮物？）我會同朋友夾份買禮物，不過唔係我負責買，所以都未知係乜。」

另外，擔任11日香港婚宴司儀的朱凱婷，笑言與曾志偉配搭的組合「一莊一諧」非常適合：「佢負責搞笑，我就比較注重禮節。（你的打扮有冇特別安排？）冇嘅，但會同PR再夾吓啲細節，我見過一對新人，佢哋好nice呀！」

朱凱婷又透露當天將有多位重量級嘉賓上台致詞，但暫時未知是誰。