Nicolas Ghesquiere離任 周汶錡等Balenciaga擦火花
法國品牌Balenciaga日前正式宣布與設計師Nicolas Ghesquiere取得共同決定，於本月30日結束長達15年的賓主關係，令一眾時尚人大感可惜。
星級形象指導郭慶彬表示震驚，大讚Nicolas設計出色：「佢真係一個天才設計師，我唔知邊個設計師會取替佢，無論點都好，對下一任設計師嚟講都好有壓力！」而名模周汶錡與琦琦坦言或許雙方有更好發展，琦琦說：「佢設計嘅motorcycle bag好成功，至今都大受歡迎，佢哋合作多年都好可惜，離開可能對雙方有更好發展。」而周汶錡說：「可能Nicolas稍後會宣布有自己品牌，雖然消息好突然，但會帶來另一種新衝擊，雙方有更好發展，我好期待下一任設計師上馬，無論係邊個都有種新鮮感，會有新火花。」此外，徐濠縈大讚設計師很有才華，令品牌起死回生，如今像戀人分手：「失戀咁！」而Wyman稱Nicolas將這個老牌子變得前衞又摩登：「好難搵番第二個Nicolas，如果冇咗佢，品牌會唔會變得老氣橫秋呢？」
而PPR集團Chairman and Chief Executive的Francois-Henri Pinault大讚Nicolas的才華，為品牌所作出的貢獻與具影響力的fashion house。
