徐濠縈發老脾 喊取消旅行
時裝達人徐濠縈前晚在活動上對於老公Eason下體激凸照表現尷尬，指老公在家很正經，後來得悉Eason大爆將舉家旅行大表不悅，更即場詐型，表示考慮取消行程！
徐濠縈（阿徐）前晚出席時裝活動，以性感且型格造型現身，她接受訪問時記者提到她老公Eason（陳奕迅）早前表演時下體激凸的照片時，她面露尷尬表情，卻笑說：「係咪褲頭繩？（Eason話自己太粗？）咁我唔識答，佢會唔會話條繩粗咋！你都知佢鍾意講笑。」當記者笑問Eason是否在家中都愛說鹹濕笑話時，她立刻否認，指Eason在家中很一本正經，她說：「唔會，佢對個女都唔會，佢淨係娛樂你哋，喺屋企正經，對靚女先係咁！」
怕被人跟
此時好友梁漢文經過，阿徐大聲向對方說生日快樂，至於有否買生日禮物給梁漢文？她說：「唔知Eason有冇買！」提到Eason透露稍後會舉家旅行時，阿徐則表現不悅，並立刻詐型說：「點解佢咁衰，可能取消唔去，怕被人跟。之前試過一家人去主題樂園，點知Eason被好多人圍住兼排隊影相，佢仲受歡迎過卡通人物，個女都慣。」此外，梁漢文表示生日願望是身體健康與工作順利，早前已與家人慶祝生日，他說：「屋企有四個人都係11月生日！」
文：名人組