葉佩雯護夫 寧玩殘Eason
葉佩雯（Grace）將於本月23日披嫁衣，她昨試穿設計師好友何志恩操刀的和服式晚裝，又笑言為免老公Eric Kwok接新娘被玩謝，已下令姊妹將視線轉移到兄弟之一的陳奕迅身上！
前歌手Grace去年11月23日獲老公Eric Kwok（郭偉亮）在紅館舞台求婚，即場在過萬觀眾見證下註冊成為夫婦，兩人決定於一年後的同月同日即本月23日補擺婚宴，向來走型格路線的Grace邀得設計師好友何志恩拔刀相助，為她設計婚紗及姊妹裙，Grace昨日聯同兩位姊妹杜如風及梁漢文太太Karen試晚裝。
何志恩出山幫拖
穿上和服式晚裝的Grace開心說：「真係好靚，志恩最叻就係線條同細節位。（婚紗呢？）試咗，但仲要整，條裙展現我另一面。（谷胸？）我唔得，試完之後成日都好想、好想着住。」已沒為客人設計婚紗的何志恩說：「朋友冇計啦，我哋講心，對上一次係為好友莫文蔚設計婚紗。」Grace透露有８個戥穿石、10位姊妹，當中陳奕迅、梁漢文等也會擔任兄弟。
問到接新娘當日怕不怕老公被玩殘？Grace說：「一定玩殘同盡玩，不過我同姊妹講，因為Eric好易肚屙，怕佢攬住廁所。」由於陳奕迅（Eason）有「吹神」之稱，杜如風笑說：「為免佢講嘢太多嘥時間，就罰佢不停食嘢。」Grace和應說：「係啦，將目標轉移喺佢身上，不過唔好灌醉佢，怕要４個人抬得佢1隻腳！」
文：音樂組