(12)黃一晴胸前穿窿唔覺賣肉
亞視安排一眾準亞姐到街頭拉票，其中幾位超性感登場，令龍友們的相機快門響個不停。早前走光的(12)黃一晴「中門大開」露出3、4吋事業線，她回應亞姐「賣肉拉票」對答小心，又指公司畀機會自己以不同造型吸票，相當識撈。
亞視昨日安排候選佳麗現身天后港鐵站附近，並站在貨車上進行拉票，惟(6)孫倩因家事缺席，其餘11位整裝待發，惹來不少龍友狂影。(1)趙海恩、(10)陳超及(12)黃一晴被安排穿上「胸前穿窿裝」現身，黃一晴露出「深坑」隨即成為焦點，加上日前她出席公開活動，曾走光露乳貼，可謂「一步一驚心」。
對答大方
黃一晴接受訪問時卻不覺得被安排「賣肉拉票」：「公司為我哋度身訂造衣飾，唔同嘅Style有唔同嘅感覺，上次走光係自己唔小心，怪自己未做好安全措施，走光係唔禮貌嘅事。」對答大方識撈，可惜最終仍被拍得露膠紙邊，她隨後叮囑記者謂︰「唔好淨係留意胸，或者留意吓我雙腿同膊頭啦。」齊真晨則表示：「大家也有好身材，各有優點，這身打扮可以表現自己的曲線。事前我也花時間貼了膠紙防走光，保證裙子不會掉下來。」
短訊吸票
另外，昨日大會公布由(5)齊真晨、(9)謝嘉慧及(11)陳瑩瑩的得票暫時領先，齊真晨更揮低日前「票后」之一的(2)黃璧安首次「入圍」，她直言擔心自己的票源︰「我來自內地，香港沒太多朋友嘛！（投票者要持香港身份證），一切順其自然吧。」反而陳瑩瑩則信心十足，至於謝嘉慧透露自己以短訊及交友網站成功吸納票源。
文︰影視組