樂基兒運狗吔粥
離婚後的樂基兒（Gaile）前日去沙灘滑水，昨早又出動去做gym，兩日皆有不同朋友相伴，絕不寂寞，之後她往跑馬地食粥醫肚，面對門外的記者，仍無損心情開懷大吃。吃過粥後，她前往中環ifc fitting，為明天出席的活動作準備，離開時見她孭着的手袋內有隻可愛的芝娃娃小狗，對於帶狗仔入餐廳，Gaile說：「狗仔好細，可以匿埋。（依家全面復工？）唔係，都會走o架啦，不過間唔中有嘢做咪返嚟囉。」她又否認報道指她獅子開大口接job價三級跳到五十萬，指向來做嘢都好公平，沒有加價。
回朋友家之前，Gaile到香港仔一間國際學校接朋友的兒子放學，彼此有講有笑，Gaile甚有做保母的天分。
而昨日電台繼續播出Gaile的第二篇訪問，提及婚後與黎明愈來愈似，黎明亦變得溫柔及懂得品嘗美食，又說註冊後在小島搞派對，她因落雨而哭，要黎明安慰。