台灣魔術師劉謙和香港o靚模李蘊去年撻着，但近月態度突變，原來劉謙4月13日暗交北京富貴女模王希怡，難怪李蘊提到劉謙時句句有骨。
劉謙４月在港舉行巡迴魔術騷時被問到女友李蘊幾時捧場？他說：「佢好忙，唔知佢會嚟邊場。」而李蘊翌日被記者提到男友劉謙時，即寸爆：「我從無用『男朋友』三個字形容佢！」似乎已知劉謙有新歡要劃清界線。
兩人同場現身ＴＶＢ《紅白鬥》，李蘊步出化妝室一見劉謙即掉頭走，劉謙被記者追問分手傳聞時說：「沒有，一直是好朋友，怎會分手呢？」李蘊再三強調：「我哋係好朋友，從來冇講過係我男友。」關係再度急降。