城城笑住爆請Lynn睇戲
郭富城自日前與熊黛林（Lynn）密遊返港後心情大靚，雖一直馬不停蹄為電影《寒戰》宣傳，但每次出席都例必風騷示人，每當記者提到Lynn時，城城雖口裏沒有甚麼回應，但總不期然會心微笑。
而城城昨日聯同導演陸劍青、梁樂民到apm商場造勢，同場還有新鴻基地產代理有限公司租務經理馮秀炎，親自將巨型電影海報升上半空，更立即chok出型仔甫士向電影致敬。他表示這次在港宣傳，明日（今晚）全體演員會到北京出席電影首映禮，及後更會到多個地方站台，如廣州、上海、台灣、新加坡等地。
回港做孝順仔
城城透露待宣傳期完結後便回港當孝順仔，陪媽媽飲早茶同睇戲，更笑言若有歌迷碰到他亦不要在開場前索簽名，完場後他自會慢慢處理，問到可會邀請女友Lynn同行？他再次聞Lynn偷笑，並謂：「唔答！（請Lynn睇戲？）我會請所有好朋友睇，（旅遊完心情好好？）你哋咁得意嘅！」
文：影視組