朱千雪遭杯葛 孤獨精遊街
今屆港姐搞創意普選，但因冧server撻Q成一時佳話。被網友捧為民意冠軍的朱千雪，雖然贏盡支持，但卻令她與冠軍張名雅及亞軍黃心穎漸生嫌隙。日前三女出席完活動後，朱千雪慘被撇低變孤獨精，獨自一人沒精打采行街揀衫。
自從今年港姐季軍得主朱千雪被網民捧成民意冠軍後，各方支持度比亞軍黃心穎，甚至冠軍張名雅更為高。雖然三女一直對外宣稱滿意結果，不過面對外間多個月來日以繼夜的比較，令到冠亞季三人心中都不是味兒，由參選以來原本感情不太差，未幾已變得有心病。
一街之隔下車
日前三位應屆港姐齊齊出席公開活動，活動後再一齊返無綫。至傍晚7時許，張名雅先行離開，朱千雪與黃心穎則一齊登上無綫車輛。當保母車駛到灣仔時，黃心穎急不及待落車，被撇下的朱千雪孤伶伶一人於一條街之隔下車。明明相隔一條街，兩人都要先後腳下車！慘成孤獨精的朱千雪明顯贏盡民意但輸掉友情。
落寞睇衫混吉
當日穿上半透視白色上衣襯短褲仔，既騷長腿又露出Bra帶，只見她落寞地獨自行街，一度取出電話無聊地玩，繼而隨意步入一間女裝店，挑了幾條不同顏色的裙拼上身。睇足半小時，但最後都沒有收穫，最後繼續沒精打采地步行到附近的商業大廈。
文、攝：追蹤組