張嘉兒踢爆：姿整過女人

張嘉兒曾被拍得與金剛夜蒲，令緋聞甚囂塵上，嘉兒強調只是美麗的誤會：「真係冇嘢o架，但佢係幾好嘅，大家無所不談，成日吹水傾無聊嘢，我哋一企埋一齊就會笑到肚攣，但唔知點解總係唔過電囉！」嘉兒又大踢爆：「佢好鬼死貪靚o架，比女仔更姿整，成日都買潮衫同首飾，同佢Shopping佢淨係睇自己衫，從來唔理人o架！」
張嘉兒踢爆金剛貪靚過女人，成日去買潮衫裝身。
張嘉兒踢爆金剛貪靚過女人，成日去買潮衫裝身。

蔡慧欣讚靚仔

至於因合作《五覺大戰》而傳緋聞的神獸天使蔡慧欣則大讚金剛：「佢真係幾好，好照顧後輩，但緋聞都係傳啫，我同佢認識都未夠深入，都唔係好了解！」金剛自命靚仔，蔡慧欣對此笑笑口說：「嘩！佢真係好靚仔，可以講成個人都咁靚！」

蔡慧欣自言同金剛了解未夠深。
  • 蔡慧欣自言同金剛了解未夠深。