苟芸慧啱嘴形一齊唔會悶

金剛於圈中不乏異性緣，過往曾跟不少索女合作過，其中更有宅男女神苟芸慧（苟姑娘），兩人曾一起拍攝劇集《怒火街頭2》及齊齊上遊戲節目，羨慕死不少男粉絲。提到金剛的為人，苟姑娘有讚無彈：「佢雖然畀觀眾搞笑一面，但平時工作同私底下都好認真，工作時有佢在場唔會悶。」金剛有不少緋聞給人花弗形象，但苟姑娘力撐說：「一齊合作，見佢大部分時間都同男演員一齊，唔覺得佢成日有女埋身，亦冇講甜言蜜語氹我，佢講嘢都係想大家一齊笑。」

此外，兩人可謂同聲同氣，半鹹淡廣東話成為二人標記，但苟姑娘則笑言廣東話畀金剛好成條街，她說：「我學廣東話時間短過佢，但講得好過佢，大家用廣東話可以溝通。不過佢講唔正好受歡迎，我幾羨慕，但大家路線唔同。」

金剛Profile

原名：李信樵

年齡：31歲

出道經過：2002年投身台灣娛樂圈，2007決定到香港發展，成為無綫藝人。

成名作：《超級遊戲獎門人》、《街坊廚神》、《五覺大戰》、《勁歌金曲》等！2009年在劇集《學警狙擊》飾演冷面殺手阿忠更惹起網上討論。