金剛唔上身：張嘉兒玩吓啫

係喎，我初鏈（戀）就畀女飛，就係得呢次咋，之後就只有我飛女，冇女飛過我，真係覺得威喎！記得那年初鏈（戀）18歲，同益（一）個大我6歲嘅姐姐拍拖，愛得唔係好轟烈，拍咗3個月，佢就話我成日掛住玩，嫌我窮又冇前途，咁佢就飛咗我喇！

我明㗎，當時只得2萬台幣（約5,000港元）人工，連自己都養唔起，典（點）養女呀？佢飛我仲巧（好）啦，唔使累人累物。所以畀女飛真係冇乜感覺，只係冇面囉，咁就要自強啦，當時就下定決心，以後寧我飛天下女，莫令天下女飛我，Yo！

堪稱情場殺手的金剛，先後同蔡慧欣、張嘉兒及小儀傳出緋聞。

緋聞1號 至冧肉女 蔡慧欣

之後我拍拖追女如探囊取活（物），太多靚女中我招喇，冇辦法啦，我靚仔過碧行（咸），型過畢彼特（Brad Pitt），對女仔又細心，勇（永）遠放囡囡喺第一位，你話喇，兵（邊）有女仔唔鍾意我喎！

緋聞2號 飲食男女 張嘉兒

緋聞3號 最佳笑侶 阮小儀

女友自編遭輪姦

不過呢，有時對女朋友太好可能有反效果喎，嚟到香港聽巴打講女人80歲前唔好畀飽飯佢食，原來未必冇因。話說我嚟香港發展不久，已同一個靚過李嘉欣、身材好過我女神美瑾霍絲（Megan Fox）嘅女仔拍拖，益（一）直對佢好到不得了，但唔知典（點）解，總係雀（覺）得佢有嘢瞞住我。

有次佢嚟香港探我，佢返台灣前就叫佢抵埗就打畀我啦，典（點）知一直都冇音信，當時幾驚佢出事呀，咪打畀佢囉，頂！一打去就Cut線，搞到我好驚呀。佢冇耐就打番畀我，話畀唔知乜人挾咗上車，啲唔知乜人就逼佢除衫，話畀人由頭到腳趾尾狂摸喎。

我梗係丁（癲）咗啦，條女畀人搞喎，就立即叫朋友帶佢爆（報）警，但問佢車牌係乜又答唔到喎，去到差館門口仲話怕阿媽知，死都唔入去喎。我就覺得奇喇，問佢典（點）解唔報警，又支吾以對喎，真係奇過《奇天烈百科全書》，我雀（覺）得呢件事 一定唔會咁簡單。原來佢一直都一腳踏兩船，特登編個大話令我唔好受，全部都係大話嚟，我頂，當我Kai子，即飛啦！

有需要搵「五姑娘」

人人都以為我同過張嘉兒，蔡慧欣等圈中人拍拖，我對燈火發誓，全部都係假。同嘉兒傳係因為嗰陣大家都係住將軍澳中心，成日見，加上佢以前男朋友都係台灣人，咁咪啱傾成日出去玩囉，如果我同佢有嘢就一早有啦；蔡慧欣就明顯係宣傳啦，佢性格好好，但唔啱我囉！

自上年到依家係單身，寂寞感覺好正呀，唔知典（點）解愈大愈孤僻，唔鍾意出去蒲，你哋可以叫我寂寞先生！平時咪留喺屋企打機囉，有需要時我唔會叫雞o羅，搵「五姑娘」已經搞掂。

口述：金剛

筆錄：專案組