劉晨芝爆姊妹淘夾水聚會

樂基兒（Gaile）早前到電台接受訪問盡爆心中情，不過其好友劉晨芝昨日在電話中透露未知好友到電台受訪一事，又稱自從Gaile返港後，兩人尚未抽空見面。對於Gaile坦言離婚絕對沒有分黎明兩億身家，就連千萬也談不上，劉晨芝說：「我哋好少講錢，唔通你會成日問朋友銀行有幾多錢咩？佢平時都唔係特別慳，又唔係特別闊綽，（平時聚會係咪Gaile埋單？）我哋鬼妹嚟，睇情況，唔會次次都係朋友找數。（Gaile分唔到好多錢？）點分唔知，無問。」對於Gaile指離婚與第三者無關，劉晨芝強調：「我一早都係咁講啦。」