莫文蔚晒意大利文冧鞋王

莫文蔚（Karen）、黃偉文、徐濠縈等，日前應有「鞋王」之稱的意大利鞋履設計師Giuseppe Zanotti邀請出席私人晚宴，首次與對方會面的Karen坦言非常高興：「知道我係粉絲，點咗我名出席！Giuseppe好意外我用意大利文同佢傾偈，有他鄉遇故知的感覺。」提到會否與品牌合作？她說：「可能，唔講咁多住。」
莫文蔚以意大利文跟Giuseppe傾偈，對方大表讚賞。
莫文蔚以意大利文跟Giuseppe傾偈，對方大表讚賞。

Karen透露從小入行已穿着其品牌的鞋，自爆家中有幾十對：「以前由幾千蚊對，到依家要幾萬蚊對！佢啲鞋夠高又有特色，有成四、五吋高，但着落好舒服，有舞台效果，登台好啱。自己最喜愛bling bling閃石款，好靚。」問到會否希望Giuseppe為她打造私人鞋款？她興奮表示：「當然希望！」

黃偉文（左）與莫文蔚、徐濠縈（右二）等出席鞋王私人晚宴。
  • 黃偉文（左）與莫文蔚、徐濠縈（右二）等出席鞋王私人晚宴。