莊思敏趁JC失暈v煞搶峰頭

前晚JC穿上黑色off-shoulder dress出席平治汽車全新A系A-Rock派對，性感程度遠不及同場的莊思敏（Jacquelin）。Jacquelin身穿黑色透視Deep V領連身短裙，透出內裏半球，輕易搶去JC風頭。JC坦言經歷上次疑似露暈事件後，揀衫會更加小心：「以安全為先，唔想再有同類危險事件發生（指露暈）。」另外，她表示自己是安全駕駛者：「我只係超速過一次。（喺香港買車？）我覺得有需要，因為星期五根本冇的士，雖然係想買，但係泊車係一個問題。」

唔會太大動作

而全場最性感的Jacquelin就表示已做足安全措施：「有黐乳貼，呢條裙打唔到底。（怕唔怕移位？）唔驚，我有照過鏡，而且我唔會太大動作。」另外，對於她有份主持的節目令蘇永康不滿，她說：「我睇報道先知，如果有令佢唔開心，我講聲唔好意思，我同佢私下冇聯絡，希望佢大人有大量，唔好嬲。（無綫有乜安排？）重新整理緊，未有新定案，希望2013年再見。（無綫高層冇話2013年再開拍，係咪你哋一廂情願？）我知有好多傳聞同謠言，依家製作同事都各有各忙，依家可以抖一抖。（會唔會唔再用《爆足一周》？）個爆字真令大家有期望，如果再做會部署改名。」

面對若隱若現的莊思敏，JC直言不介意被搶風頭。

太極為平治汽車活動的演出，為大會掀起高潮。

區文詩蒲天光

而同場區文詩表示萬聖節約了好姊妹吳雨霏同鄧麗欣（Stephy）等一大班朋友蒲天光，更大爆Stephy酒量最好，問她可有約傅穎一齊？她坦言跟對方已十年沒有聯絡。而現場除了展示新車外，更邀來太極樂隊作表演嘉賓，掀起高潮。

文：名人組