關心妍阿媽做美容「Baby」face有幾難！
近年講起關心妍（Jade），相信大家只會諗起頒獎禮搶獎事件，不過最近她終於有個新話題，就是「嘩，乜你變到Angelababy咁嘅？」Jade天生單眼皮插蘇鼻，一向賣聲不賣樣，入行10年一直半紅不黑。俗語有話「人逢喜事精神爽」，但阿Jade 09年結婚時都唔夠佢年頭開紅館個唱咁索，除了狂減肥變人乾之外，對眼大咗、個鼻高咗、仲多咗個蝦餃仔下巴！
最近拎傑青獎時更被指十足翻版Angelababy，不過當事人例牌否認：「講過好多次，我唔介意畀人話我整容！」其實Jade初出道時已承認自己吊線割雙眼皮，又有個開美容院的媽媽，要變靚有幾難！
