陳倩揚換衫快閃廁客執遺襪
靚媽陳倩揚（Skye）於鏡頭前經常表現淡定，沒想到斯文靚女的她居然遇過(火羅)爆事情，Skye笑言曾在騷後往洗手間換衫，豈料離開時遺留「貼身用品」絲襪在廁格內，待發覺後即急急腳回頭找。
結果Skye遇上好心人「路不拾遺」，撿着其暖笠笠的絲襪大聲問道：「邊個留低？」Skye惟有尷尬上前認領，她笑道：「嗰次好多人排隊等緊，所以費事搞太耐阻住人，咁我咪快手啲換衫囉，點知個地板同對絲襪撞晒色，搞到我睇唔到拎漏咗，返去拎番嗰陣真係覺得好瘀，我諗嗰個女人應該唔認得我啩！」她笑言自此變得相當謹慎。