家輝嘲城城嘴角流口水
郭富城與熊黛林（Lynn）暢遊馬爾代夫返港，男方隨即趕往為新片宣傳，期間被發現全程嘴角向上翹，難掩喜悅，就連同場好兄弟梁家輝也禁不住嘲他「嘴角流口水」！原來Lynn出發不久，熊父及熊母亦現身南京機場，更有旅客於馬爾代夫目擊城城及Lynn撐枱腳，難怪盛傳男方已求婚成功。
城城上月26日生日，他選擇放假與Lynn拍拖到馬爾代夫享受二人世界，前午終於結束「蜜月」返港。據悉，Lynn哥日前在微博留言，指自己親自駕車送父母到南京機場，未知熊父、母急着離開，是否趕往會合一對小情人，見證城城向愛女求婚的浪漫一刻？此外，前晚城城甫下機即「轉戰」油麻地，代表其主演的《寒戰》出席「香港亞洲電影節2012」，全程心情大靚。談到與Lynn關係升級，城城雖不願多講，但甜笑謂：「唔講喇，都係咁，不過你哋（指記者）啲創意幾好笑。（Lynn話好攰喎！）咁問佢啦。（你攰唔攰？）我龍精虎猛喎，有工作做就好精神。」未幾更趁機「逃之夭夭」。
心情靚講乜都得
同場的梁家輝與城城私交甚篤，對於好友感情生活逐漸明朗化，家輝戥對方開心說：「佢踏入不惑之年，計劃好事業、生活，各方面都有所選擇，梗係戥佢高興啦！（拍戲時有冇見到白白淨、好高嘅人嚟探班？）你哋唔好咁啦，總之佢表現得好開心，（佢嘴角含春？）嘴角有少少口水呀。（同當初你見到你老婆時一模一樣？）咁城城靚仔好多。」
記者將家輝之言轉述城城，他笑謂：「好有創意，大家喺字眼中吸引觀眾。（係家輝講嘅！）你哋照寫，由得我啦，總之你哋寫乜我一啲都唔介意。（話你結婚呢？）冇所謂，開心咪算囉，最緊要部戲好啫。」對於不少圈中人如姚晨等在欣賞過《寒》片後對城城讚不絕口，他開心不已，更坦言此劇本是他等足七年才遇到。據悉，該片或有機會開拍續集。
柯震東無暇夜蒲
另外，與台灣歌手蕭亞軒的緋聞鬧得沸沸揚揚的台灣男星柯震東亦有現身，他表示此行來港數天宣傳，由於工作排得密密麻麻，故不會有時間四出閒逛，更斷言不會夜蒲蘭桂坊，記者取笑是否女友不喜歡？他答：「不是不是，我也不是怕狗仔，而是覺得沒必要。」文：影視組