祖兒Twins撐羅力威 絕非二打六

本年度樂壇首張成績表《新城勁爆頒獎禮2012》將率先在12月27日舉行，其中天后級人馬容祖兒、Twins、吳雨霏（Kary）、G.E.M.和江若琳等的一眾歌手昨日出席頒獎禮記招，惟古巨基、謝安琪、陳奕迅、薛凱琪和劉浩龍等未有現身。

祖兒G.E.M.先拔頭籌

新城更率先頒發多個有關播放指數的獎項，祖兒和Kary先拔頭籌，獲得《勁爆播放指數大獎》，其中祖兒的歌曲在本年至今總共獲得過千次的驕人成績，周柏豪奪得《新城勁爆演繹大獎》，而G.E.M.則獲頒《勁爆年度專輯大獎》。頒獎儀式開始前，大會先安排本年度一眾新人亮相，並由歌手即場投票選出他們心目中的新人王。

羅力威	祖兒先拔頭籌，開心得掩眼。

年初轉投英皇後走勢強勁的羅力威，雖近日是非纏身更被揶揄為「二打六」歌手，但在投票環節中則獲師姐們力撐。祖兒表示：「起初都睇佢唔係好順眼，但後來了解咗之後發現佢人品好好，仲好有才華！」Twins更表明：「我哋投羅力威，因為佢唔係二打六，最多係二打一。」結果羅力威亦順利成為歌手心目中的男新人王，至於女歌手和組合新人王則分別為陳僖儀和Closer。

Twins撐師弟羅力威絕非「二打六」歌手。

G.E.M.

對於師姐們的支持，羅力威表示：「衷心多謝公司每一位，我喺適當時候會答謝大家。」至於被指是「二打六」歌手，他說：「無論邊個有呢個稱號都唔會開心，但呢件事對我無影響，會繼續努力工作。」

與男友合照講timing

提到今年女歌手獎的競爭對手比往年少，祖兒稱：「其他歌手可能唔得閒嚟唔到，而且都仲有好多歌手好出色。」問到男友劉浩龍並未現身，可感鬆一口氣？她說：「有無佢在場我都一樣咁自在。」提到她上次拒絕和浩龍合照：「合照要睇心情，我個人唔逼得，你哋由得我自然啲啦。」至於日前在時裝活動上跟好友何韻詩合照，她說：「大家好耐無見，咁難得見到面咪影張相留念囉。」

文：音樂組