千嬅收身目標橢圓變長條
數月前誕下麟兒的歌手楊千嬅近月積極收身，全面復工的她自言目標是變回長條身形；她笑謂已勒令老公丁子高跟其家人不准嘲她肥胖，因為這項「偉大的建造」他也有份，故老公經常讚她是世界上最美麗的人！
楊千嬅前晚以壓軸身份擔任Salad 2012年秋冬時裝手袋展的嘉賓模特兒，同場還有名模諸葛紫岐、Cara G.、趙嘉懿及歌手JW等。現場所見，千嬅比上次現身更見纖瘦，原來她正默默努力減肥中，就算外遊也不忘keep fit，她說：「啱啱老公個表妹喺布吉結婚，我哋去咗四日三夜，老公暢泳嗰陣，我就着住運動衫去跑步，同個仔玩face time（視像），依家仲差十幾磅。其實依家已經由圓形變做橢圓形，希望可以變番長條形啦！」
被叫恐龍受落
問到老公丁子高喜歡她胖或瘦？千嬅即提高聲線說：「我同老公講，全世界嘅人都可以話我肥，但佢同佢家族嘅人就唔可以，因為呢個偉大建造佢都有份，所以老公成日話我係最靚，又陪我一齊食減肥餐，（佢都話自己肥？）男人結咗婚生咗仔，肥啲都OK！」她又笑指老公「口甜舌滑」，常以「另類」詞語形容她的身段，如恐龍、暴龍或速龍，千嬅有感恐龍是矜貴動物，故相當受落。
JW讚黎明專業
此外，JW透露已學成畢業，正式加入娛樂圈，問她有否關心老闆黎明離婚一事？她說：「我哋只講工作唔講感情事，（擔唔擔心佢冇心情做嘢？）唔會，佢好專業，我最近錄咗首慢歌，佢好畀心機聽，畀咗好多意見我。」對於前老闆娘樂基兒未能再為她們擔任形象指導，JW相信公司會善用人才。那可會為「黎樂戀」未能開花結果而感可惜？她續說：「感情事係兩個人嘅事，其他人唔應該畀意見。」
文：名人組