羅霖昨午單拖現身中環，為明晚舉行「仁美清叙」的晚宴試禮服。對於昨有報道指稱她被已分居的丈夫劉坤銘「迫遷」，要帶細仔寄居娘家，又傳她積極工作搵錢，負責幾名兒子的生活費。她謂：「其實係由我照顧細仔，大嗰兩個就交由佢照顧。」她坦言與丈夫簽紙分居超過半年，而對方有負責小朋友的生活費，自己拚命搵錢，只是想留多點錢給囝囝急用。
早前「仁美清叙」拉隊到黑龍江拍攝籌款特輯，有傳黎燕珊事後不滿團隊只顧吃喝玩樂，羅霖回應：「今次全程費用都有贊助，我唔想大家捧住個飯盒做嘢咁辛苦，所以每日係有坐低食晚飯，而且冇影響我哋拍特輯嘅進度。」
