周麗淇負傷踩5吋高踭鞋

早前左腳生了腫瘤的周麗淇（Niki），前晚與家姐周汶錡出席在上環舉行的時裝派對，Niki自從腳患後一直穿着平底鞋，前晚首次換上5吋高跟鞋，見她步伐輕鬆，腳部傷口已經埋口，也不用貼上膠布，問她是否經已康復？Niki說：「都係咁，因為個瘤好近肌肉，要用微創手術抽啲壞組織出嚟，剩番部分要等佢自己流失，化驗無惡性，未做手術時腳會痛，依家已經無痛，無綫今晚放我出嚟做活動，一陣要入返去拍飛車戲。」她說沒有將病情告訴家人，周汶錡也是看報道才知，她說當知患病後，翌日便決定到醫院做手術，手術後也是從秘道離開，她說：「嗰時家姐搞結婚，唔想家姐擔心，但反而令公公婆婆擔心，佢哋睇到《東張西望》報道以為好嚴重，搞到瞓唔着。」