徐子珊：應付兩男好Busy
徐子珊前晚宴請劇中演員吃飯時，一秒鐘的強姦戲被眾「壞人」開玩笑，近日分別跟黎明、黃宗澤傳緋聞的她坦言自己只得爛桃花，更笑言同兩男傳緋聞好Busy。
徐子珊前晚宴請《雷霆掃毒》台前幕後的工作人員食日本菜，到場的有黃智賢（Ben）、李家鼎，大家拿子珊那場一秒鐘的強姦戲來開玩笑，Ben送糖果安慰子珊時，後面的人即起哄謂：「白粉嚟o架！」令子珊尷尬得用糖遮臉。
最近成為「緋聞女王」的她分別跟黎明、黃宗澤（Bosco）傳緋聞，子珊笑言摸不着頭腦，又指最得意是報道指其經理人是母親，她笑言：「咁我都好busy啫！上海一日半嘅時間，我既要賽車、又要出席派對同時尚活動，如果仲要同呢兩個男人一齊，真係超人喎！」她更指自己有的都是「爛桃花」。
有指子珊出席賽車活動時跟黃宗澤擁抱，她謂:「我個個都有攬。」她坦言之後跟Bosco拍賀歲電影，預了又傳緋聞，她謂：「今日見到Bosco都耍冧，（佢失戀有冇安慰佢？）我有安慰杏兒，佢係大男人，唔使。」記者指黎明鍾情「厚唇」，但她不覺自己唇厚。
毒癮戲被刪
其後，子珊又多謝大家畀面到場，笑言：「啲壞人全部嚟晒！官恩娜唔知係咪怕咗唔記得嚟！」再提到那場強姦戲令觀眾有點失望時，子珊坦言很矛盾，指觀眾另一方面很同情她，對於微博上的視后投票中，她領先楊怡時，她坦言很開心，並會努力拉票。
而Ben被指角色極衰，他不諱言畀人鬧足三十集，更有觀眾因而咒他生仔沒屁股，不過他坦言一笑置之，他又表示希望此劇角色能角逐獎項。另外，子珊的一秒強姦戲令大家失望，其實當中亦有不少有發揮的場面都刪剪了，如有一場講述她毒癮起，但她不肯去戒毒，故歐陽靖用口含住美沙酮然後吐出拿給她飲，這場戲子珊拍時連口水鼻涕都出齊，而監製林志華解釋是怕觀眾看了這些場面會感覺難受。
此外，成為子珊緋聞男的Bosco最近拍攝電影甘願放下靚仔形象，更煙不離手，成為「潦倒麻甩佬」。
文：影視組