祖兒浩龍情難自禁偷望一秒

Joey與劉浩龍自公開「龍兒戀」後，一直表現低調，除了甚少被拍到甜蜜拍拖外，就連兩人合演《DIVA華麗之後》的首映場，師兄最後都以趕劇為由臨時甩底！一對小情侶自公開戀情約４個月後，昨日於叱咤頒獎禮記者會上終於首度同場！不過，大會安排「龍兒」於一頭一尾出場，至大合照時，兩人的企位相距甚遠，師兄企於第二行最側邊，而Joey就企第一行正中間位置。當Joey走過師兄身邊時，更是刻意快步走過，對男友望都唔望；反而師兄的目光就從未離開過Joey，望到實一實！雖然二人所企的位置有一段距離，他們又各自與身邊人傾偈分散注意力，但蜜運中的「龍兒」難得同場，最後還是不禁偷望對方，互望一秒傳情！對於記者多番要求兩人合照，表現合拍的「龍兒」全程「避開」對方，最後只得師兄與受訪中的Joey的「合照」。

故意加快腳步

Joey受訪時表示沒有因二人同場而感到尷尬，提到她於師兄身邊故意加快腳步？她說：「係咪要傾場偈？（好呀！）黐線，我唔係咁嘅人，唔想你哋諗多咗。」她並言出席活動已預料會撞到對方，亦沒有向大會要求二人不企附近：「除非我唔出席，無謂要求人哋。（公司要求？）唔知公司會唔會。」又直言「冇諗過合照」：「頭先你哋要影都影咗（指大合照）。（影得唔靚！）我唔靚、唔上鏡。」Joey又多次表示自己不會因師兄在場而刻意避忌，如果避忌就不會出席活動。問到工作時二人是否放下男、女朋友身份？她說：「唔講呢啲嘢，唔知，係同行。（後台傾偈？）太大，維園咁大，撞唔到。」並言公司每個歌手都表現自律，故公司不需要武力鎮壓。

劉浩龍	眾歌手影大合照，師兄靠邊站，見祖兒行過，即目不轉睛（目及）實她。

「唔到我話事」

問到師兄是否避與Joey合照？他即言：「冇呀，唔到我話事，問女仔，唔好玩我啦。（驚對方公司唔鍾意？）我唔係唱片公司，答唔到，問佢哋！」隨後不斷叫記者不要玩他。師兄並言已成功減８磅，問到是否Joey陪他操fit？他說：「自己操自己，操嘢梗係自己操。」提到Joey曾言「肥咗」的師兄幾好睇？他即甜笑反問記者：「你覺得呢？我個樣同身係屬於觀眾。」

放大圖片	祖兒與師兄忍唔住互望傳情。

文：音樂組