諸葛拖實香香突然變friend

「新一代女神」岑麗香人氣高企，早前被指遭「薛王妃」諸葛紫岐（Marie）眼紅，同場出席活動時被對方批肘搶鏡，前晚二人再度碰面忽然搭膊和拖手以示友好，Marie更大讚香香sweet爆。不過香香對於被指為TVB四大處女之一就顯得避忌！

前晚Hackett London銅鑼灣旗艦店開幕，除剪綵嘉賓張智霖外，到場嘉賓有岑麗香、Jocelyn及老公Anthony、四太梁安琪、馬清揚及王敏德等。其中早前傳因妒忌岑麗香人氣而批肘的諸葛紫岐與老公薛嘉麟一同前來，二人再度同場，除大方合照外，更搭膊和拖手示好，狀甚老友，香香說：「我都有聽過傳聞，但嗰日我完全feel唔到，所以今日見到面都想講，交代番件事，唔想有誤會，最緊要唔想佢誤會我真係覺得佢批我肘，我哋大家溫哥華人傾偈好舒服！」

嫌太敏感拒認處女

此外，近期「處女」話題熱爆，香香被指為TVB四大處女之一，她聞言有點抗拒地說：「處女係好私人嘅嘢，就算同女朋友都唔會講，所以呢個問題唔答，（唔答令人覺得你唔係處女？）我覺得性同處女呢個話題好個人，我唔會問朋友，相信朋友都會尊重我，總之我同主知道咪得囉。」她又謂對於這個話題感到不舒服，因為太敏感，加上自己又不是走性感路線，而一年一度的台慶夜她亦不打算鬥性感。