莊思敏反串扮蠟筆小新
就到萬聖節了，這個搞鬼好玩的節日，不少明星都愛應節扮成嘩鬼出席派對，盡興一番。進軍主持界的模特兒莊思敏竟想反串扮蠟筆小生！
模媽陳靜儀最追得上潮流，已為人母的她，打算在萬聖節扮「處女」，貪玩又搞鬼！
莊思敏
我以前扮過唔少頭破血流嘅樣，今次想扮卡通人物，扮蠟筆小新，喺下面畫隻大象，或者扮Ｑ太郎，將成件衫由頭笠到尾。
陳靜儀
想扮聖女貞德，因為依家興「處女」呀。
趙哲妤
想做多啦A夢去拯救世人！我會加個黑色嘅百寶袋，襯番萬聖節。
李曼筠
我要扮美少女戰士中嘅Sailor Moon！因為佢喺咁多美少女入面係最傻，而且想人知道女仔都可以拯救地球o架！
李蘊
我細個志願係做護士，所以想扮噴血護士，周圍嚇人！
黃榕
平時已鍾意收藏不同嘅服飾，有米妮老鼠、制服、學生校服等，我最鍾意係校服，貪純真得嚟好性感！
文凱玲
想扮警察呀，會做個超deep V嘅女警！因為我覺得制服好性感，畀人好多幻想。