天佑悲父離世 作歌頌親恩
Shine成員徐天佑父親昨早辭世，終年65歲，天佑悲傷心情可想而知。據悉，徐父近年身體狀況急轉直下，至月前Shine於九龍灣國際展貿中心舉行十周年個唱後，才證實患上癌病，可惜發現太遲已束手無策。
為人設想 獲子讚揚
近日天佑不停進出醫院陪伴老父，至前午他出席公開活動時忽然接獲父親病危的電話，故活動結束後匆匆趕往探望，至昨早徐父終在家人陪伴下走完人生。天佑稍稍平復心情後，即在自己的微博留言寫道：「他（父親）一生做人行事正直，處處為別人着想……爸，有緣再見！」教人心酸。
照顧母親 努力工作
記者與天佑取得聯絡，他坦言心情影響工作：「遲幾日要過馬來西亞拍戲，自己真係唔想去，但諗起爸爸叫我一定要做嘢，所以我會頂住！」Shine將於除夕踏上紅館舉行個唱，天佑曾一度以為爸爸到時可到場見證，無奈如今希望幻滅：「好彩之前佢都有嚟九展睇我嘅個唱，我仲自彈自唱一首歌曲《茶餐廳》畀佢聽，隻歌係講父子情嘅，都算了咗件心事。」天佑又表示將着手辦理父親身後事，而且自己會學曉堅強，與哥哥等代父照顧母親及家庭。
文：影視組