JC800萬買樓hold住

財政司司長曾俊華前日再出兩大辣招，其中非香港永久性居民，及以公司名義買樓均要交相當樓價15％買家印花稅，令未有「三粒星」的藝人置業大計受到影響。來港3年的JC打算在港落地生根，原本已儲夠首期打算在港買樓，可惜因政府辣招影響了其置業大計。

據知，現於銅鑼灣租樓的JC近月已不停睇樓，物色600萬元至800萬元中價單位，政府突然出招令非「三粒星」人士在港置業百上加斤，JC即時煞停做業主大計，決定放棄已睇中的單位。記者昨日致電JC，她承認原本打算在這兩周內扑錘，可惜如今暫成泡影：「哎呀！仲睇中個啱心水嘅單位，港府今次出招好辣呀，依家買樓話要額外畀出15％稅喎，如果買800萬嘅樓咪要畀成120萬，都係算喇，可能等有三粒星先啦，都幾灰！」

鍾浠文等個市跌

至於有「翻版徐子淇」之稱的鍾浠文（Zelia）同樣有置業打算，惟只來港4年，業主夢亦告受阻：「本來諗住明年年初買300萬嘅上車盤，可惜依家政府出招，咪等個樓市跌再作打算囉！」而擁有兩個物業的陳靜亦表示會暫時擱置買樓計劃。

Ana R.成得益者

不過，JC好姊妹名模Ana R.卻持相反意見，她接受電話訪問時說：「我啱啱攞三粒星半年，真係好開心，一路都想置業，之前個市太癲，根本追唔上，依家政府出招希望可以壓抑樓價啦，等買500萬至600萬嘅樓！」難怪Ana興奮到連續兩天在Instagram上載與男友Brad到峇里旅行的合照。視帝黎耀祥和做過地產經紀的黎淑賢亦支持政府新措施。而陸詩韻坦言：「依家手上冇貨，希望下年個市可以冧一陣，配合我買樓大計。」密密搵銀的周秀娜亦謂：「租住樓先，依家億元豪宅都係月租十幾萬，好抵！」

文：專案組