婷婷周身癦 變大要檢查
謝婷婷前晚出席活動時被問到哥哥謝霆鋒早前因患皮膚癌而動手術一事，她坦言事前全不知情，更大爆自己身上都有很多癦，婷婷說：「其實哥哥冇直接同我講，只係佢同Andy（安志杰）傾偈講開。（知道後擔唔擔心？）嗰刻都唔識擔心，因為佢哋講得太隨意。（驚唔驚有家族遺傳？）唔驚，我家族都好健康，我嫲嫲都100歲。」
婷婷表示一向都有做健康檢查，她說：「我都有好多癦，可能我鍾意曬太陽，除非變大（指癦）就會再去檢查。」婷婷又透露拉姑買了些東西給霆鋒搽：「等佢生番啲頭髮，因為佢後面空咗一撻。（栢芝話啲衰人冇咁快死喎！）我諗大家都唔好在意，我爹哋成日都講反話。」