黎淑賢：欠溝通未知晚宴流程
仁美清叙副主席黎淑賢堅稱不覺得主席羅霖及會長黎燕珊在活動上，為早前羅霖的離婚新聞而面左左，黎淑賢說：「係你哋覺得啫！我一路都有同羅霖接觸。（你企佢嗰邊？）頭先影相，我就企佢嗰邊。我對事唔對人，大家都想對個會好，但個會透明度唔高，好多時都係靠WhatsApp同微信，我諗有文字記錄會好啲，開會應該有人做會議紀錄。」
對於黎燕珊有指秘書工作繁忙，黎淑賢說：「我都係義工，冇人工收，我都仆心仆『力』，個會係有少少亂，有進步空間，好似今日我公司原來要上台拎紀念品，尋晚至通知，根本準備唔切。慈善晚宴個個出心出力，但欠缺溝通，連流程係點都未知。」