趙式芝為同性婚姻 肩負使命

早前富商趙世曾女兒趙式芝與波爾錶太子女楊如芯（Sean）自爆同性婚訊後，Gigi前晚首次出席公開活動，其他嘉賓還有周國豐及陳祉妤。原定Sean亦在邀請嘉賓名單上，可是Gigi單拖出席，問她Sean為何不一同前來？她笑說：「佢怕醜呀！」對於同性婚訊的各方回響，Gigi表示：「幾開心，好多支持嘅聲音。（爹哋唔接受？）我覺得香港社會欠缺『先例』，令呢個社會對同性關係未能接受，需要正面態度，香港少例子，西方社會接受呢個人權，希望香港可以改變到。」

由屋企開始帶出訊息

對於父親以五億招婿反應熱烈，問她可有睇過「應徵者」資料？她說：「冇，好多，Sean唔鍾意我睇，『擸』吓眼都唔鍾意，（拒絕晒追求者？）for自己係。」她坦言兩個人在一起，開心就可以，還指二人的同性婚姻不是單單為自己：「我哋個使命係改變社會嘅態度，（屋企人未接受？）所以要由屋企開始，身體力行，以體驗去帶出訊息。」問夾在中間的Gigi會否難做？她說：「父母係會敏感，佢哋未接觸過，香港社會對同性係可見不可聞。」她認為自己做得對，對自己亦十分肯定，故不會介懷任何事情或說話。

對安排趙世曾（右）與Sean（左）會面，式芝坦言有難度。	陳祉妤單拖出席活動。	趙式芝獲周國豐支持。

入稟控告周刊討公道

問到父親的態度可有軟化？她說：「唔可以用軟化，只係由驚訝，到外國傳媒問尖銳問題，識用輕鬆方法回答。」對於蘇施黃質疑其父不夠父愛，她即維護：「佢只係唔識用說話表達愛，行動我感受到。（改變爹哋想法？）唔係辯論，唔會刻意。」問可會安排父親和Sean會面？她坦言關係有荊棘：「即使爹哋想，都要睇Sean，佢內心有啲嘢，對父母有另一種付出。」至於會否擺酒？她表示：「自己事，Sean會處理。」

另外，有指Gigi與Sean已正式入稟控告《東周刊》侵犯他們的相片版權，要求法庭向該雜誌及其網站頒發禁制令。記者致電Sean，她承認有其事，表示已交給律師處理，被問到要求甚麼賠償？她說：「我律師會同佢哋律師傾，我律師會保障我哋嘅權益。」

文：名人組