杜汶澤爆笑賀歲
鄭中基與杜汶澤最近成為影壇搶手貨，黃百鳴明年賀歲片亦瞄準兩人，早前更斟洽成功，加人工之餘，鄭、杜兩人還會踢走黃百鳴多年愛將古天樂、甄子丹，擔正做男主角！
鄭中基、杜汶澤主演《低俗喜劇》以八百萬成本，大收三千萬，令兩人即成喜劇搶手貨，黃百鳴明年開拍之賀歲片《八星酒店》（暫名），亦決定用兩人演出，加片酬之餘，鄭、杜兩人更成功將黃百鳴愛將古天樂、甄子丹踢走坐正做男主角！鄭中基在戲中飾演酒店經理，與做酒吧酒保的杜汶澤齊齊搞笑，女主角則為毛舜筠與吳君如，君如將飾演酒店掃地阿嬸，而毛舜筠則演經理，兩人在戲中經常鬥嘴鬥氣，「戲」味十足！
千嬅客串睇檔期
其他演員方面，黃百鳴、吳千語亦有份演出，而之前因懷孕未能拍《男人如衣服》的楊千嬅，電影公司都有意找她客串，但未知能否成事！至於鄭中基與杜汶澤今次加了幾多片酬？電影公司發言人表示：「總之合理價，佢哋之前套戲咁好成績，都好應該加，（唔用古天樂、甄子丹？）今次想用晒喜劇演員，以笑片掛帥！（係咪搵楊千嬅客串？）有問過，但要睇好多嘢包括檔期，我哋當然想。」
文：影視組