方中信是但噏玩殘蒙嘉慧

藝人方中信前晚與劇集《仁心解碼2》的台前幕後食收工飯，不過同劇的楊怡、蕭正楠、陳茵媺、蒙嘉慧同告缺席，方中信解釋因楊怡去了澳洲工作，蕭正楠則要繼續在TVB開工，更搞笑說：「陳茵媺去咗馬來西亞飲咖啡，蒙嘉慧就去咗南太平洋某個小島唔知做咩。（搞婚禮？）唔知呀。」但其實蒙嘉慧只是去了上海工作。
蒙嘉慧（資料圖片）
蒙嘉慧（資料圖片）

方中信又透露拍畢此劇後便會留港休息：「我還晒（劇）債o架喇，都做咗兩年嘢，要陪吓家人。（睇好楊怡定徐子珊攞視后？）兩個都幾好，話唔定今年會雙視后。」問他會否拍多些劇爭視帝？他說：「我都冇簽TVB，邊會有視帝，冇所謂。」有報道指楊怡在惠洲hea爆登台，他即大撐拍檔專業，但問他有否被楊怡的「木偶鼻」嚇倒時，他尷尬表示沒留意。

方中信意有所指謂蒙嘉慧到了小島。
  • 方中信意有所指謂蒙嘉慧到了小島。