孫耀威（Eric）昨日到基督教書店進行新碟簽名會，並和歌迷分享經歷。他表示新碟內的一些歌記載了他由低谷重新振作的經歷，希望不管是否教徒的歌迷，也能從中獲得鼓勵。
另外，提到近期身為教徒的王君馨自爆是「處女」，同樣身為教徒的Eric亦有聽聞，他說：「成日有人話啲教徒藝人未婚懷孕，大家唔好當教徒係聖人，佢哋做錯嘢同上帝交代就得，唔使太介意。」問到他有否試過「做錯嘢」？他笑言：「我日日都要交代！」
