甄詠珊想閃婚 甘做後母
甄詠珊早前勇敢承認「拆彈」，告別巨胸後一洗性感形象，原來曾經和黃宗澤拍拖的她，秘密戀上「帶子洪郎」新男友，前日「一家三口」出巡銅鑼灣，學習做後母的甄詠珊殷切地陪男友兒子看玩具，更體貼為小男孩孭書包。
甄詠珊今年5月公開承認將32D巨胸「拆彈」，回復31B上圍，誓要重新挺起胸膛做人，支持她勇敢的決定全因找到真愛，蜜運中的甄詠珊曾直言圈外新男友接受她的過去，對方更令她有閃婚衝動。
揀玩具有商有量
前日傍晚6時許，甄詠珊被發現和男友於銅鑼灣行街，身邊更有一名年約5、6歲的小男孩，素顏的甄詠珊穿上一身便服，體貼地為男孩孭埋書包，似足一個好媽媽。
一行三人如同幸福的三口之家，有商有量地揀玩具和精品，男孩全程黐實甄詠珊有傾有講，足見感情不錯。其後她拖實小男孩離開商場，男友man爆地獨自去排隊等的士，至於甄詠珊則和小男孩悠閒地坐在花槽等候，只見小男孩紥紥跳在她面前不停說東說西，逗到甄詠珊笑容滿面。記者趁機上前問到男孩身份，她笑到甜絲絲地說：「朋友個仔囉。」
男友失婚育一子
據知，甄詠珊男友早年失婚，和前妻育有一名兒子，甄詠珊和他拍拖以來一直視男友兒子如同己出，不介意做後母。昨日記者再致電甄詠珊，問到小孩是否男朋友的囝囝？她說：「唔想回應，始終大人同小朋友都係圈外人，唔想影響佢哋嘅私生活。（你幾時結婚？）結婚嘅嘢順其自然啦！」
文、攝：追蹤組