黎耀祥率港姐撐「節目巡禮」
無綫一年一度的「冧」廣告客戶的大型節目「節目巡禮」將於11月8日舉行，早前連續兩年奪「視帝」的黎耀祥成搶手貨，瘋狂被客戶拉着影相，而今年連續三年擔任台慶劇主角的他，將委以重任擔任表演嘉賓，與今屆一眾港姐表演舞台劇。
記者致電給祥仔，談及他再度擔大旗，他謙虛謂：「好多人好忙，唔喺香港，我呢段時間比較得閒，冇劇喺身，都要幫幫手。（順道宣傳台慶劇谷視帝獎？）咁又唔係，巡禮同頒獎禮係兩樣嘢嚟嘅！不過之後我都要去馬來西亞拍電影，《大太監》首播時我都唔喺香港，但都會返嚟做宣傳，幾忙都好，都會撐住個場。」
