苟芸慧欣賞男士有疤
鄭嘉穎日前在內地拍劇被對手打爆右眼，兩位緋聞女友佘詩曼及苟芸慧都祝願他早日康復，苟姑娘昨日出席公開活動時，用粉底遮蓋在右肩後方的瘀痕，她表示：「我都唔知幾時撞倒。（同嘉穎同病相憐？）我遲啲有時間會問候佢，不過男士有疤痕仲型啦。（佢依家好型？）佢不嬲都咁有型！」日前宣布會封胸的苟姑娘，昨日就以樽領裙示人繼續封胸，她不擔心因此會少了粉絲及工作機會。
另外，苟姑娘前晚出席《仁心解碼2》收工飯，她稱還未揀選台慶戰衣：「可能會搵人設計，都有人攞咗幾個款式我睇。」經常被人話肥的苟姑娘，問她會否為台慶戰衣而減肥？她無奈表示：「我都慣咗，但人始終要食嘢，不過都會減下，會試中藥同針灸。」
