嘉穎眼縫10針 損失百萬

鄭嘉穎月前為內地劇《葉問》拍攝連場打戲，導致右眼微絲血管爆裂、頸部扭傷，前日更禍不單行，在昆山拍攝與武師對打場面時，嘉穎遭武師一拳擊中右眼，登時流血及紅腫，他受傷後躺在地上，工作人員大為緊張，並替他以冰敷傷口，紓緩劇痛，治理後嘉穎即時照鏡檢查有否破相，而他勉強拍完餘下戲份，便即時致電無綫高層樂易玲，對方即安排他漏夜趕返香港求醫。

反應唔夠快中拳

前晚約11時，由上海返港的嘉穎獲無綫安排經理人接機，他右眼貼着紗布再戴黑超，他說：「多謝關心，好小事，縫兩針OK，事發時我同武師對打，我閃慢咗少少，係意外，拍打戲實有，個武師係o靚仔，仲驚過我。（點解趕返港？）原本我聽日（即昨日）要去瀋陽做活動，我從未試過失場，但受傷眼又腫，唔想戴黑超腫面咁出席活動，所以想盡快返港睇醫生。（驚影響視力？）應唔會啩？但未睇醫生，暫時會留港等隻眼消腫。」

放大圖片	好友黃智賢（左）及樂易玲陪嘉穎入院。

當晚樂易玲隨即現身港安醫院，為嘉穎辦理入院手續，她說：「接到電話知嘉穎受傷，佢有啲忟憎，可能好痛，又要一個人返香港。」因傷眼而要停拍內地劇《葉問》的嘉穎，將損失多個商演，損失估計超過百萬元，原本他要出席昨日瀋陽的品牌活動，但因受傷缺席，猶幸他未有因此而賠訂金，樂易玲稱主辦單位願延期補做：「主辦單位好好，今次嘉穎傷咗將活動取消，但會延期做。」

不用磨皮心情OK

直至昨日下午1時半，戴上黑超、身穿格仔恤衫的嘉穎，登上前來接他的白色七人車離開醫院，未知是否擔心傷勢，對記者問及傷勢及行程都一概不回答。嘉穎接受電話訪問時表示：「縫咗十針，醫生話用咗好幼嘅線令疤痕細啲，所以縫咁多針。我諗抖到下個禮拜，隻眼消腫開得工，拍攝一定受影響，好彩個劇差唔多拍完，我都好心急，想返去埋尾。（擔心破相？）唔擔心得咁多，事情都發生咗，隨遇而安！」樂易玲亦表示嘉穎應該不用做磨皮手術，下星期要覆診拆線，而陪同嘉穎入院的好友黃智賢，指他心情OK，縫了十針但依然靚仔。

文：影視組