郭羨妮笑爆嘴狂NG
藝人郭羨妮（Sonija）、陳錦鴻、黃浩然、楊明等昨日在舊邵氏片場為劇集《初五啟市錄》取景，現場所見，Sonija為了一句對白而不停NG，她事後表示自己已適應復工後的生活，並解釋NG是因為自己忍不住笑:「嗰句對白係講陳錦鴻細個嗰陣曾經將擦紙膠當糖食，我諗起個情景就想笑。」日前表示要陪女兒過聖誕的Sonija透露屆時將帶愛女出國度過︰「我想去啲有陽光海灘嘅地方。」
唔在乎攞獎
談到今年視帝視后之爭，有女萬事足的Sonija表示自己沒有留意︰「我都唔再在乎獎項。」至於曾奪得「飛躍進步男藝員」獎項的黃浩然則謙虛表示自己今年的表現沒有甚麼特別，所以不望爭獎，不過他表示看好黎耀祥再次奪得視帝寶座︰「嚟緊《大太監》會出街，希望有好收視，視帝就梗係睇好同劇嘅祥仔啦。」
樂做湊仔公
而出名顧家的陳錦鴻亦與世無爭，他表示因為囝囝出年就要上小學，所以希望下年不接劇，疊埋心水做湊仔公︰「可能最多接一部，因為佢依家係最需要我嘅時候，我想睇住佢成長。」雖然陳錦鴻囝囝有自閉症兼語言障礙，但錦鴻透露會為兒子找一家主流學校讀書，讓囝囝過正常童年。另外，原本計劃在12月到美國與圈外女友註冊的楊明表示因未能請假而作罷︰「會喺番香港註冊。（會擺酒？）下年先。（搵邊個做兄弟團？）未諗。」
文：影視組