祖兒喝停惡保安 怒火未熄
入行多年身經百戰的容祖兒日前在馬來西亞演出時，因不滿保安在台下推撞歌迷，忍不住出口阻止。回港後祖兒仍舊對此憤憤不平，繼續炮轟保安做法粗魯，更自言心中滿腔怒火。
樂壇天后容祖兒日前完成在馬來西亞雲頂的巡唱演出，但在演出中途因目睹保安員在台下推撞歌迷，愛護歌迷的她情急下喝止。返港後的祖兒與經理人霍汶希（Mani）前晚出席電台活動時，對此仍餘怒未消，繼續發聲為歌迷護航，她說：「佢哋班女仔（歌迷）咁細粒，唔應該咁惡對待。」祖兒又稱明白保安們的職責：「如果想佢哋離開，用口講咪得囉，使咩推佢哋行咁粗魯？」她表示自己當時屬自然反應：「如果我唔出聲嗰啲保安真係會推跌佢哋。」同時又謂遇到不平事亦樂於拔刀相助：「我心入面有團怒火，遇到咩睇唔過眼我都會忍唔住出聲。」
Mani有體會
在旁的Mani亦憶述祖兒曾有火爆經歷，她表示有次因工作關係，需要在開騷前找祖兒，她說：「其實都知道佢培養緊情緒，但真係冇辦法，結果佢真係發火，最後我要捉實佢對手叫佢冷靜先冇事。」祖兒笑謂：「所以話其實我好好火，大家都畀我玉女形象同清純外表呃咗，哈哈。」
文：音樂組