黎燕珊不滿有人轉移視線

前亞姐兼仁美主席羅霖與老公劉坤銘分居7個月，期間傳出女方有婚外情，有報道更指仁美會長黎燕珊轟羅霖此舉有損亞姐形象。羅霖前日反擊，除發聲明澄清外，更道出近年與黎燕珊發生的不愉快事件，又稱早前分居時，黎燕珊未有以過來人身份安慰半句。被視為「金手指」的黎燕珊昨日透過電郵回應事件。

黎燕珊直言仁美花了3年時間，重新建立慈善良好形象，故她本人絕對拒絕糾纏於斷章取義衍生出來的是非當中。她指：「我唔會成為轉移視線嘅受害者，由始至終都認為，呢啲係人哋嘅家事，冇必要喺呢個時候喺人哋傷口上灑鹽！」她更以會長身份承諾，不會讓是非拖垮下月2日舉行的籌款晚會。

葉家寶擺和頭酒

亞視高層兼仁美顧問的葉家寶與前電台高層梁安琪昨日出席《ATV2012感動香港年度人物評選》活動時，對於羅霖與黎燕珊之間的衝突，葉家寶表示會出面協調：「其實都唔係咩衝突，兩個都係為仁美好，幫香港、內地有需要嘅人做嘢，可能佢哋都有自己嘅觀點。（有指個會帳目唔清楚。）一定唔會，每筆數都會經核數師核實，絕對唔會拎善款做自己活動。（約佢哋出嚟傾？）會，希望喺籌款晚會之前，可以盡快解決件事。」

羅霖不怕有心病

羅霖前晚於微博留言，她很感恩是次得到家人支持，更指雪中送炭的朋友，比落井下石的朋友還要多。她昨日接受電話訪問時，對於黎燕珊的言論，她坦言不擔心雙方有心病兼碰面尷尬，稍後的仁美活動也會如常出席。

此外，藝人曾航生日前自爆與拍拖19年的女友梁安琪分手，昨日梁安琪與追求者兼經理人黃先生一齊出席活動，她否認分手有第三者：「相處唔到都冇法，大家做唔番朋友！喺我最孤獨嘅時間有個人出現咗，不過仲未追到手。」

文：影視組